يازمان،،،يكفي جراح
يازمان،،،راح الي راح
عوفنه،،، وخلينه وإمشي
وننسى أحنه همومنه
ونبدي أنضمّد بدينه گلوبنة
وينتهي كلشي
يازمان،،،،يازمان
عيونه مابطل دمعه
والسنين محمّلة الأحزان
مرّت بينه،،،
والأفراح مسافرة ماإدري وين
وأبد ما تسأل علينه
عشنه ويه أحزانه حيل أصدقاء
وبس تعال وشوفنه بيوم اللقاء
والسواد بكل مكان ،،،
لا يازمان،،،
عيب تاخذنه بذنوب الغير
وصرنه مكسورين الجناح
والوكت نتّف ريشنه
نظل سبايا للزمن،،،
نعيش أيام بمحن
وأنت ماترحم فقير
االنايم أعله الگاع
مايعرف سرير ولا حصير
يازمان،،،
والسياسة صارت أعلينه غضب
خلت الوادم تصيرالهه حطب
بالشوارع مشمّرين الموته وي كيس الزبالة
فتنه صارت واحنه نعرف ساسهه
وك يازمان،،،،گول الحيّة نكطع راسهه
گول بلكي نرجع مثل الأول
الدنيه طلبت ناسهه
أبو رؤى ابورؤى قاسم الدوسري
ليست هناك تعليقات:
إرسال تعليق